Breaking Up in a Proper Way

Break ups yung  isa sa dahilan kung bakit ang daming bitter na tao ngayon. Lalo na kapag hindi maayos yung pakikipag break sa kanila. Dun na papasok yung puro hugot tapos galit na siya sa mga couples, minsan sisigaw pa yan ng “Walang Poreber!” o kaya “Lolokohin ka lang niyan!”

Pero alam niyo guys, maiiwasan naman yung ganyan kung maayos yung break up niyo eh. May chance parin na maging bitter siya pero hindi na siya magiging katulad ng iba.

So paano nga ba makipag break ng tama.

Una, makipag break ka sa personal, (pwera na lang kung LDR kayo). Wag na wag na wag na wag kayong makikipag break lang sa text, chat or tawag. Kasi diyan minsan napasok yung , magiisip na ng kung ano ano yung partner mo. Iisipin niya na baka may iba ka or something. Kausapin mo siya sa personal. Iexplain mo yung side mo at hayaan mo din siyang makapagsalita. Kung magagalit man siya, edi hayaan mo.

Yung iba sinasabi kaya ayaw daw nila makipag break sa personal kasi hindi nila kayang makitang umiiyak yung tao. Naaawa daw sila. Ganun naman kasi talaga yun eh. Kailangan mo lang tiisin yung sakit na yun.

Pangalawa, magpakatotoo ka. Sabihin mo yung totoong reason kung bakit ka makikipag break sa kanya. Wag ka ng gumawa pa ng ibang reason. Kung may nagustuhan ka man na iba, sabihin mo sa kanya. Oo, masasaktan siya sa katotohanan, pero mas masakit yung pakiramdam kapag nalaman na niya yung katotohanan. Ang ganda nga nung ginawa mo ng reason pero kapag nalaman niya na yung totoo, doble yung sakit na mararamdaman niya.

Pangatlo, walang perfect timing sa pakikipag break. Kung buo na ang pasya mo at ayaw mo na talaga edi sabihin mo na agad sa kanya. Sa paghahanap ng timing ka na yan uurong ng uurong eh. Hanggang sa wala kang mahanap na tamang timing.

Pang-apat, kung nagbreak man kayo sa text or sa chat, kausapin mo ulit siya. Ayusin niyo yung closure niyo. Mag-usap kayo ng maayos.

Pang-lima at huli, kapag nakapag usap na kayo ng maayos at naintindihan niyo na yung isa’t isa, magyakapan kayo. Yakapin niyo yung isa’t isa, hindi para magbalikan kayo, pero para magkaayos kayo bilang magkaibigan. Tapos mag thank you kayo sa isa’t isa. Pasalamatan mo siya kasi naging parter siya ng buhay, na may mga naituro siyang bagay sayo. Ganun.

Tapusin niyo yung relasyon niyo ng puro pinapasalamatan niyo yung isa’t isa, hindi yung nagsusumbatan kayo. Ganyan talaga eh. Kung maging bitter man siya after nun, hayaan mo lang. Pero dahil maganda naman yung paghihiwalay niyo malamang hindi na magiging bitter yan. 

Campus Couples

Dahil malapit nanaman ang pasukan. Actually yung iba nga nag start na yung pasukan nung Monday eh.

Okay, moving on.

Gaya nga ng sabi ko, since malapit na ang pasukan makikita nanaman natin ang mga mukha ng mga kaibigan natin, yung mga prof na magpapahirap satin sa buong semester at makikita nanaman natin yung mga couples sa school natin.

Oo makikita mo nanaman silang maglandian sa kung saan saan.

Pero ano anong klase nga ba ng couples yung makikita natin sa school natin.

(College Edition)

The Tuko- sila yung couples na hindi mo mapag hiwalay. Madalas mag kaklase yung gantong couples. Yung kahit saan makikita mo silang magkasama na para bang hindi sila nagsasawa sa isa’t isa. Yung iba nga kahit magpunta lang sa CR nagpapasama pa sila sa partner nila eh. Pero hanggang dun lang sa labas ha. Normal naman na madalas nating kasama yung partner natin, pero kung sa lahat naman ng oras, minuto, segundo e kasama mo yung partner mo, aba abnormal na yan. Maglayo din kayo kahit minsan.

The PDA- sila yung couples na naglalandian kahit saan. Sa Hallway, Canteen, Library, Classroom, kahit saan. Wala silang pakialam sa mga tao na nasa paligid nila, minsan nga kahit may prof sa harapan nila naglalandian sila eh. Ewan ko ba kung ano yung trip nila kung bakit sila ganyan, pero hayaan na lang natin sila. Pwede mo silang sawayin pero panigurado ikaw ang lalabas na masama niyan kaya shut up na lang tayo.

The Couple of the Year- sila yung couple na kinaiingitan ng lahat ng tao sa, okay hindi lahat, pero ng madaming tao sa school nila. Una, kasi good looking sila. Yung tipong artistahin yung itsura at pormahan nila. Pangalawa, kasi cute yung mga picture na pinopost nila sa Social Media. Yung tipong “Relationship Goals” ba.Yung ganun. Pangatlo, kasi ang sweet nila kapag nasa school sila. Yung kahit na ang PDA na minsan ang tingin parin natin e ang sweet sweet nila. Pang-apat, kasi famous sila kaya napapansin sila ng tao. Ganun naman yun e.

The “Magkaibang Mundo”- sila yung couples na magkaiba ng course. At dahil nga magkaiba sila ng course, ibig sabihin nun magkaiba din sila ng schedule. Tapos madalas busy pa sila. Kaya ayun, pakiramdam nila sila yung nandun sa kanta ni Jireh Lim. Yung gantong couples, nagkakausap lang sila kapag lunch break, minsan busy pa yung isa. Daig pa nila yung mga nasa LDR. Well, ganyan talaga.

The Brave- sila yung mga Lesbian and Gay couples. Dito ako sa mga couples na to bilib na bilib. Kasi proud sila sa kung anong meron sila at sa kung ano ba talaga sila. And ang tapang nila para harapin yung mga panghuhusga ng ibang mga tao sa kanila. Saludo po ako sa tapang niyo.

The Famewhore- sila yung couples na gustong gayahin yung couple of the year. Ginagaya nila yung mga ginagawa nila, nagpopost din sila ng katulad nung ginagawa nung isa. Ganun. In other term, papansin sila. Sila yung kapag nag PDA sa school e medyo mandidiri ka. Ganyan talaga.

Ilan lang yan sa mga couples na makikita mo sa school niyo. Okay lang naman na pansinin natin sila pero mas maganda kung hayaan na lang natin sila. Kanya kanya lang naman yan eh. At panigurado baka kapag may partner ka na e maging isa ka sa mga yan. o hindi naman kaya, isa na kayo diyan ngayon nung partner mo.

Okay lang naman na magkaroon ng relationship habang nagaaral kayo basta tandaan niyo dapat inuuna niyo parin yung pagaaral niyo. Okay?

Oo, Mahal Din Kita!

“OO” yan yung isang salita na hinihintay na marinig ng mga lalaki sa liniligawan nila. Kapag narinig na nila yan dun mo makikita yung kakaibang saya sa mukha nila. Yung saya na dun mo lang unang makikita.

Mga girls’ para sainyo to.

Kalian mo ba dapat sabihin yung “OO” sa manliligaw mo?

Una, dapat lagpas ng 6 months yung panliligaw niya sayo. Ay hindi! gawin mo ng 1 year. Kasi kung mahal ka talaga niyan handa yan na magantay ng kahit gaano pa katagal makuha lang yung matamis mong oo. Wag mo siyang sasagutin kung saglit ka pa lang niyang nililigawan. Magpabebe ka kahit kunti.

Pangalawa, dapat sigurado ka na rin sa pakiramdam mo sa kanya. Wag yung porket na sweetan ka lang sa panliligaw niya e sasagutin mo na agad siya. Dapat 101% sure ka sa pakiramdam mo. Kung mahal mo na ba talaga siya o baka naman gusto mo lang siya.

Pangatlo, dapat pasado din siya sa magulang mo. Ipakilala mo siya sa magulang mo tapos hayaan mo siya na magsabi na kung pwede ba niyang ligawan yung prinsesa nila. Dapat makayanan niyang sabihin yun sa harap ng magulang mo. Tapos dapat ipakita niya din sa magulang mo na kung gaano ka ba talaga niya kagusto. At kapag nakuha niya na yung approval galing sa parents mo edi pwede na. Pero may isa pa dapat na kailangan mong gawin bago mo siya sagutin.

Pang apat, papangitin mo yung itsura mo tapos gumawa ka ng mga bagay na medyo nakakadiri sa harap niya. Kapag nandiri siya at lumayo siya sayo, edi hindi ka talaga niya gusto. Gusto niya lang yung itsura mo. Wag mo siyang sagutin. Pero kapag naman tinanggap niya yung nakita niya at mahal ka parin niya sagutin mo na siya. Seryoso na yan sayo.

Ngayon mga girls, kung naghahanap kayo ng magandang timing para sagutin siya may ibibigay ako sa inyong tip.

Papuntahin mo siya sa bahay niyo, dapat nandun ang parents mo. Mag usap muna kayo, at kapag naging masaya na yung pag uusap niyo saka mo siya bulungan ng “Oo, Mahal din kita.” Tignan ko lang kung hindi kiligin yan ng todo. Basta mga girls sabihin niyo lang yung ng biglaan sa manliligaw mo. At panigurado makikita mo dun kung gaano sila magiging kasaya kapag narinig yun. 

Dalawang letra, iisang salita, pero kapag yan nasabi mo na sa manliligaw mo, tiyak siya ay tatalon sa tuwa. Basta wag ka lang padalos dalos at baka pagsisihan mo yan sa dulo. 

Falling For The Wrong Person

Alam niyo ba yung pakiramdam nung mahulog ka sa maling tao? Kung alam niyo na, saludo ako sainyo kasi nakayanan niyo yung sakit. At kung hindi pa, susubukan kong ipaliwanag dito yung pakiramdam.

Isipin mo nasa tuktok ka ng isang mataas na puno. Nakakapit sa isang manipis na sanga. Yung sanga na yun ay yung sarili mo na nagsasabi na “Hindi ka niya sasaluhin. Masasaktan ka lang.” Pero dahil nga manipis lang yung sanga mapuputol din agad yun at mahuhulog ka.

Ngayon na naputol na yung sangang yun, ikaw ngayon ay kasalukuyang nahuhulog. Mahuhulog ka ng nakaharap sa langit. Hindi mo nakikita yung nasa baba kasi umaasa ka na sasaluhin ka niya. At dahil nga nahuhulog ka, wala ka ng magagawa pa para mapigilan pa yun. Wala kang makapitan na sanga o kahit ano pa. Ganun din yun kapag nahulog ka na sa isang tao. Hindi mo na alam kung paano mo pipigilan yung nararamdaman mo. Basta ang alam mo lang derederetso yung paghulog ng loob mo para sa kanya.

Ngayon magpapaisip ka ulit kung sasaluhin ka nga ba niya. Gugustuhin mo munang tumigil pero gaya nga ng sabi ko, hindi mo mapipigilan yung paghulog mo kaya ang gagawin mo ay titingin ka sa baba. Iikot ka at titiginan mo kung nandun ba siya para saluhin ka, pero wala siya. At sa pag ikot mo din na yun dun ka na lalagapak sa lupa. Oo wala siya dun para saluhin ka. Sa buong pagkahulog mo wala siya.

Pwede kang umiyak sa pagkahulog mo, pero walang makakarinig sayo. Tanging sarili mo lang ang tutulong sayo para makabangon ka. Masakit, pero ganun talaga.Kailangan mong tiisin yan. At kapag nakatayo ka na ulit saka lang dadating yung mga taong importante sayo. Yung mga kaibigan mo. Sila yung tutulong sayo para makabangon ka na ng todo.

Masakit yung mahulog sa maling tao. Basta kung hindi ka man niya sinalo sa pagkahulog mo, bangon agad. Wag mo ng ilubog pa yung sarili. Bumangon ka. At dapat dun sa pagkahulog mo ay may natutunan ka na. 

Malanding Ugnayan

M.U. or Mutual Understanding or Malanding Ugnayan para sakin. 

Etoyung parang kayo, pero hindi naman kayo, pero gusto niyong maging kayo, pero hindi pa kayo handang maging kayo kaya ayun nagpapanggap kayo, na kayo. 

Magulo diba?

Ganyan kasi talaga yan. Medyo pasok din siya sa RelationShit kasi parang naglolokohan lang kayo minsan dyan eh. 

Gusto niyo ba talagang maging kayo o gusto niyo lang na nilalandi ang isa't isa?

Para sa mga nasa gantong klaseng relasyon ngayon. May mga ilang advice ako sainyo.

Una, malaki ang chance niyo na maging kayo talaga. Sobrang laki actually. Kaso ganun din kalaki yung chance na maghiwalay din kayo agad. Trust me. Kasi kung dun pa lang sa pagiging mag M.U. niyo eh todo na yung pag-arte niyo na kayo, mawawalan na ng excitement yung relationship niyo. Baka mas gustuhin niyo pa na maging mag M.U. na lang ulit kayo.

Pangalawa, wag mong masyadong iattach yung sarili mo sakanya. Mag M.U. pa lang kayo. Wala pang serious na relationship dyan. Ngayon kung makita mo man siya na may kasamang iba wala kang karapatang magselos at ganun din siya sayo. Saka kapag masyado kayong naka attach sa isa’t isa mabilis kayong magkakasawaan niyan. Kayo din.

Pangatlo, wag niyo munang gawin yung ginagawa ng mga couples na. Gawin niyo yun kapag kayo na. Para naman may maramdaman pa kayo na kilig kahit papano pag naging kayo na.

Pang-apat at huli, para sa nga boys. Hindi porke’t mag M.U. na kayo e hindi mo na siya liligawan. Ligawan mo pa din siyas yempre kung gusto mong makuha yung oo niya. Mag M.U. pa lang kayo. Wala pa talagang kayo!

Guys tandaan niyo, ang pagiging mag M.U. ay stage lang kung saan titignan niyo kung magwowork out ba yung pagiging kayo. May connection na kayo pero hindi yan kasing tibay ng connection na kapag naging kayo na. Saka dahil nga parang tinitignanniyo pa kung magwowork out yung kayo, madali din para sainyo na iwan angisa’tisa. Kung alam niyo naman na wala talaga eh bakit niyo pa itutuloy? Tester lang muna yung relasyon niyo, hindi pa yan yung totoo.

Love or Lust

Sabi nila kapag nagmahal ka daw ng may rason, hindi daw “True Love” yun. Ibig sabihin daw nun nagustuhan mo lang siya dun sa ilang bagay na meron siya. Marami naman satin yung nagkagusto sa isang tao dahil sa maganda/pogi siya, o kaya ay maganda yung hubog ng katawan niya, pero paano kung mawala yun? Mamahalin mo pa din ba siya o hindi na?

Okay, Love or Lust.

Paano mo nga ba malalaman kung Love yung nararamdaman mo o Lust lang.

Madali lang naman yan e, tanungin mo yung sarili mo kung bakit mo ba siya mahal. At kapag nakapag isip ka na ng reasons kung bakit, isulat mo yun sa papel. Lahat ng maisip mo isulat mo. 

Okay lang naman na may rason kung bakit mo siya nagustuhan. Para sakin normal yun. Ang hindi normal is yung walang rason kung bakit. Seriously? Nagkagusto ka sa isang tao tapos hindi mo alam kung bakit? Ang laking kabaliwan nun.

Okay, ngayon na nakapag sulat ka na ng mga rason, isipin mo, paano kung mawala sa kanya yung mga nasa listahan mo? (Example: paano kung pumangit siya, paano kung naging pangit yung ugali niya,paano kung naging payatot siya) kaya mo pa ba siyang mahalin? Yung pagmamahal na katulad nung pagmamahal na binibigay mo sa kanya ngayon.

Okay, ngayon try to imagine isa isa yung nandun sa listahan mo. Maging totoo ka sa sarili mo. Tapos ganto gawin mo. Lagyan mo ng Check (/) yung mga bagay na kaya mo siyang mahalin kahit mawala pa sakanya yun, at ekis (x) dun sa mga bagay na hindi. Tapos tignan mo kung ano yung mas marami.

Kapag mas marami yung may check ibig sabihin mahal mo talaga siya kahit anong mangyari. Wala kang pakialam sa kung anong meron siya ngayon at sa mga susunod pa kasi mahal mo talaga siya. 

Pero kung mas madami yung ekis, baka lust lang talaga yung nararamdaman mo sa kanya at baka kakaunti lang yung love.

Guys kahit gaano pa kadami yung rason mo kung bakit mo mahal ang isang tao, hindi yan sukatan kung mahal mo ba talaga siya. Basta dapat handa kang isang tabi lahat ng rason na yan para malaman mo kung mahal mo ba talaga siya. 

Ang Iyong Mga Kaibigan.

Yung mga kaibigan natin nandyan palagi yan. Nandyan sila kapag masaya ka, nandyan sila kapag malungot ka, at higit sa lahat nandyan sila kapag inlababo ka.

Ano nga ba ang silbi ng mga kaibigan mo kapag inlove ka?

Una, sila yung taong pagsasabihan mo palagi problema mo sa partner mo o kaya sa manliligaw mo. 

Hindi sila magsasawang pakinggan yung walang katapusang pagdradrama mo. At siyempre after mong magdrama, makakatanggap ka naman ng sermon sa kanila at panigurado yung sermon nila na yun, hindi mo susundin yun.

Pangalawa, yung mga kaibigan mo yung unang kikilatis sa taong gusto mo. Oo nagiging detective din minsan yung mga kaibigan mo. Inaalam nila yung bawat baho at bango ng gusto mo. Alam mo kung bakit nila ginagawa yun? Para yun hindi ka masaktan. Ganyan kabait ang mga kaibigan mo.

Pangatlo, sila yung tutulong sayo sa panliligaw mo. Lalo na sa mga lalaking hindi naman ganun ka runong pagdating sa panliligaw. Sila yung tutulong sayo pagdating sa mga props na gagamitin mo, sa mga sulat na ibibigay mo, sa regalong ibibigay mo, at sa mga salitang sasabihin mo para sagutin ka nung babaeng gusto mo.

Pang apat at huli, sila yung sasampal sayo para magising ka sa katotohanan. Lalo na kapag nasa ilalim ka ng sumpa ng pag-ibig, in short kapag natatanga ka na sa pag-ibig. Sisigawan ka nila, papagalitan ka nila, aawayin ka nila, pero lahat ng yun ay para sa ikabubuti mo. Kaya kung gagawin man nila yun sayo, magising ka naman sana. Sundin mo yung sinasabi nila, yung mga kaibigan mo ang gamot sa sumpa at nasasayo na yun kung gagamitin mo yung gamot na yun.

Malaking tulong sayo ang mga kaibigan mo, lalo na kapag inlove ka. Wag na wag mong ipagpapalit ang mga kaibigan mo para lang sa taong gusto mo, kasi madaming tao yung pwede mong paglaanan ng puso mo, pero kaunti lang yung taong maglalaan ng oras at pagod nila para sayo, at yun ay ang mga kaibigan mo.