Bakit Ka Niya Hihiwalayan?

Minsan ba naisip mo kung bakit kayo naghihiwalay ng bf/gf mo? Yung kung anong klaseng attitude ba yung meronka kaya kaniya hinihiwalayan. O kaya kung may nararamdaman pa ba siya sayo.

Maraming rason kung bakit ka hinihiwalayan ng partner mo. Usually nahahati sa dalawa yan. Yung isa ay pwedeng dahil sayo, at yung isa ay pwedeng dahil sa kanya.

Dun muna tayo sa dahil sayo.

Bakitka ba niya hihiwalayan? Eto yung ilan sa mga rason kung bakit.

Dahil seloso ka masyado. Yung umaabot na sa point na may makita ka lang na may kasama siyang ibang lalaki/babae ay magagalit ka na ng todo. Yung iba nag seselos din sa kamag-anak nung partner nila eh. Wag ganun ha. Diyan nagsisimula yung mga away eh. Tapos sunod niyani iwanka na niya. Sige ka ikaw din.

Dahil ma pride kang tao. Yung ayaw mong magpatalo kapag may pinagaawayan kayo. Kaya ayan yung mga sobrang liit na bagay na pinagaawayan niyo ay lumalaki na lang bigla. Tapos ayaw mo pa siyang suyuin kasi nahihiya ka na lunukin yung pride mo. Hihiwalayan ka nga naman talaga niyan kung ganyan ka.

Dahil ang clingy mo masyado. Okay lang naman na maging friendly ka at maging touchy ka sa mga kaibigan mo pero dapat matuto ka din na dumistansya sa kanila kahit kunti. Siguro makikita mo sa mukha ng partner mo na okay lang sa kanya yung ginagawa mo pero deep inside galit na sayo yan. At yung galit na yan kapag yan pumutok… wala na, tapos na kayo.

Dahil wala kang time sa kanya. Hindi magandang excuse yung palaging kang busy sa ginagawa mo. Ano ba naman yung kahit 1 hour lang na time para sa partner mo diba? Tapos bumawi ka kapag hindi ka na busy diba? Ganun lang naman yun eh.

Dahil hindi niya trip yung ibang trip mo. Oo minsan nagiging dahlian din to ng mga hiwalayan. Yung sa lahat na lang ng bagay hindi kayo nagkakasundo. Tapos wala pang gustong magpatalo sainyo. Nakupo! Panigurado saglit lang yang relasyon niyo.

Dahil sa ang isip bata mo masyado. Yung hindi mo sineseryoso yung mga pinaguusapan niyo. Oo cute yung pagiging isip bata pero dapat naman nasa lugar diba? Kung seryoso yung pinaguusapan niyo ng partner mo, edi seryosohin mo din. Wag mong gawing laro ang lahat.  

Yan yung mga dahilan kung bakit ka niya hihiwalayan. Ngayon kung meron diyan sa mga yan ang ugali mo, ngayon pa lang baguhin mo na yun. Wag mo ng antayin na hiwalayan ka niya dahil dun.

Dun naman tayo sa dahil sa kanya.

Bakit ka ba niya hihiwalayan?

Una, baka kasi meron siya. Mga brad. Alam naman natin na kapag meron ang gf natin ay kung ano ano na lang yungpinagsasabi nila, at oo minsan nakikipaghiwalay yansayo. Pero kung dahil lang naman sa meron siya kaya siya nakipaghiwalay sayo edi suyuin mo na siya agad. Bilhan mo ng pagkain, tignan ko lang kung hindi ka balikan niyan.

Pangalawa, baka ayaw ng parents niya sayo. Hihiwalayan ka talaga niya kapag ganun yung sitwasyon. Wag mo ng ipagpilitan pa na maging kayo, dahil kahit anong suyo mo sa magulang niya ay aayaw talaga sila sayo.

Pangatlo at huli, baka naman kasi hindi ka na niya mahal. Wala na siyang nararamdaman na sparks eh. Tinatamad na siya sa relasyon niyo. Yung kahit ano pang gawin mong effort eh hindi na nito mabubuhay pa ulit yung sparks na meron kayo dati. Wala ganun talaga eh. Tanggapin mo na lang.

Basta mga brad, kung nakipaghiwalay man siya sayo alamin mo agad yung dahilan kung bakit. Wag kang papayag ng makikipaghiwalay siya ng walang dahilan. At kung may chance ka na itama yung pagkakamali na yun, gawin mo na agad. At kung wala na naman, edi tanggapin mo na lang na wala na siya. At wala na kayo. 

Saving Break Ups

Paano kung bigla bigla na lang siyang sumuko sa realationship niyo?

Paano kung dahil lang sa isang pagkakamali ay iwan ka niya?

Anong gagawin mo para makuha ulit siya o para mabalik ulit siya sayo?

Well, mga brad isa yan sa mga mahirap na laban nating mga lalaki. Papano mo susuyuin ang isang babae na gusto ng lumayo sayo?

Okay, may ilang technique ako na ibibigay sainyo. 

Pero bago yun, mga brad tandaan niyo to. Kailangan masuyo niyo siya sa loob ng 72 hours, kung hindi niyo masusunod yung 72 hour rule bababa na ang chance niyo na magkabalikan pa ulit. Kaya mga brad kilos agad.

Una, magsorry ka ng magsorry sa kanya. Kahit siya pa yung may gawa kung bakit kayo magbebreak. Wala ng time para sa pride dito. Kung gusto mo talaga siyang bumalik sayo wag kang tumigil sa paghingi ng sorry sa kanya. Pero ingat ingat din minsan dito ha. Kapag nakulitan na siya sa kaka sorry mo, tigil ka muna. Palamigin mo muna yung ulo niya.

Pangalawa, mag paawa ka ng kunti. Oo effective yun sa gantong sitwasyon. Basta dapat makatotohanan yung pagpapaawa mo ha. Hindi yung sobrang O.A. dapat tama lang.

Pangatlo, kunsensyahin mo siya. Itext mo siya o kaya ichat mo siya o mas maganda gumawa ka ng sulat para sa kanya. Dapat makabagbag-damdamin yung message na nandun ha. Yung mapapasabi siya ng “Aww… bakit ko ba iiwan tong tao na to? Mahal na mahal niya ako oh.”

Pang apat, gumawa ka ng surprise para sa kanya. Yung medyo bongga ha. Pwede kang manghingi sa mga kaibigan mo ng tulong dito. Dapat makita niya yung effort mo dito, kasi dun niya makikita kung gaano ba talaga siya kahalaga sayo. Dapat makita niya na lahat kaya mong gawin para lang sa kanya. Paiyakin mo siya kung magagawa mo. Hindi yung iyak na sasaktan mo siya ha, yung tears of joy dapat. At panigurado babalikan ka niyan.

Mga brad, kung nakipagbalikan na siya sayo, wag mo ng hayaan pa na mawala ulit siya. Wag mo na siyang pakawalan pa. At kung sakali man na makipag break ulit siya sayo, gawin mo lang ulit yung mga ginawa mo dati, pero baguhin mo din yung iba ha.

Bestfriend ni Ex

Ilan satin panigurado nainlove o nagkagusto na sa best friend ng ex nila. Minsan nga habang kayo palang nung ex mo may feelings ka na para dun eh. Pero paano ka aamin sa bestfriend ng ex mo?

Sa sitwasyon na to madaming pwedeng mangyari na masama. May dalawa kasing pwedeng scenario dyan.

Yung tip na to pwede sa lahat pero usually para to sa mga lalaki.

SCENARIO #1

Kapag ikaw ang nakipag break.

Usually, kapag ikaw yung nakipagbreak ikaw yung lalabas na bad guy. Kahit saang anggulo mo tignan. Ikaw at ikaw ang lalabas na masama sa mga kwento niya. So, sa gantong sitwasyon, paano mo makukuha yung tiwala ng bestfriend ng ex mo?

Una, palipasin mo muna yung mga buwan. Wag kang padalos dalos brad. Dahil kapag ilang buwan pa lang tapos umamin ka na agad dyan panigurado sisiraan ka ng ex mo at iisipin din nung isa na, oo nga baka lokohin mo lang siya.

Pangalawa, makipag ayos ka sa ex mo. Siguro naman sa time na yun pareho na kayong naka move on. Makipag ayos ka para maging friends ulit kayo at siyempre para hindi ka niya siraan dun sa isa.

Pangatlo, kausapin mo na yung bestfriend niya. Tanungin mo yung mga pinag kukwento sa kanya nung ex mo tungkol sayo tapos saka mo iexplain yung side mo. Mag pa good shot ka.

Pangapat, baguhin mo yung ugali mo. Ipakita mo na hindi na ikaw yung taong nanakit sa bestfriend niya. Pero dapat seryoso ka sa pagbabago mo ha. Hindi yung magbabago ka lang ng panandalian kasi gusto mo siyang makuha. Wag ganun brad.

Panglima, umamin ka na dun sa bestfriend ng ex mo na may gusto ka sa kanya. Pero bago mo gawin yung kailangan nagbago ka na talaga ha. And dapat nakuha mo na yung loob niya. And kapag umamin ka na siguraduhin mo na seryoso ka ha. Hindi yung dahil trip mo lang yung bestfriend ng ex mo.

Pang anim, umamin ka din dun sa ex mo na may nararamdaman ka na sa bestfriend niya. Dito na lalabas yung problema.

Dito pwedeng masira yung friendship nila ng bestfriend niya lalo na kung may feelings na siya sayo. 

Pwede din na siraan ka parin nung ex mo kahit na mag kaayos na kayo. Oo posilble yun. At ang kailangan mo lang gawin ay ipakita din sa ex mo na hindi na ikaw yung dati, iexplain mo sa kanya na wala kang masamang intension sa bestfriend niya. iexplain mo yung buong nararamdaman mo. At kapag nagawa mo na yun, makikita mo na yung ex mo pa mismo yung tutulong sayo para maging kayo.

Dun naman tayo sa pangalawang scenario.

SCENARIO#2

Kapag yung ex mo yung nakipagbreak.

May tatlong reason kung bakit siya makikipag break sayo. Una, dahil may problema sayo. Pangalawa, dahil may problema sa kanya. At pangatlo, dahil may problema sayo. Oo, mas lamang talaga yung sayo. Kasi kapag sila nagkwento panigurado ikaw ang masisira.

Well ganto yan. Siguraduhin mo muna na wala na talaga siyang feelings para sayo. Wag lang basta 100%, kailangan mga 1,000,000% sure na wala na talaga. Kasi minsan yung mga babae hindi maintindihan yan eh. Makikipag break sila tapos aabangan nila na balikan mo sila. Kaya kung hindi pa ganun ka sure na wala na talaga yung feelings niya para sayo wag ka munang umamin ha. Malaking gulo maidudulot niyan kapag umamin ka agad. Iisipin ng ex mo na kaya hindi ka na nakipag balikan sa kanya dahil sa bestfriend niya. Tapos mag aaway sila and ngayon pareho na silang galit sayo.

Basta ang first step dito is, siguraduhin mo muna na wala ng feelings para sayo si ex and saka mo gawin yung step 1-6 sa una.

May idadagdag lang ako dun sa pangatlong step. Iexplain mo ng  totoo yung nangyari. Kung ikaw yung may mali edi ikwento mo, tapos saka mo iexplain yung side mo. Kung yung ex mo naman yung cause ng break up, ikwento mo pero wag mo ng palalain yung kwento ha.

Wala namang masama kung magkagusto ka sa bestfriend ng ex mo eh. Normal naman yun eh. Nagmamahal ka lang naman diba? Ang masama is kung kaya mo lang siya gusto dahil may gusto ka lang makuha sa kanya o kaya naman pangarap mo na mapasama sa listahan mo yung mag bestfriend. Wag ganun ha. 

Naka Move-On Ka Na Ba Talaga?

Madali lang sabihin na naka M.O. na tayo, na nakalimutan na mo na siya at hindi ka na magiging bitter pa. Pero sigurado ka ba talaga na naka move on ka na? Kung hindi pa pwes dito mo malalaman kung naka move on ka na ba.

Ang pinaka una mong kailangang gawin siyempre mag move on ka muna. Kung hindi mo pa nagagawa yun baka makatulong sayo yung isa kong blog.

So paano mo ba malalaman na naka move on ka na?

Una, kapag kaya mo na siyang harapin ng matagal o kaya kapag kaya mo ng marinig yung pangalan niya ng parang wala lang sayo. Bakit kailangan to para malaman na naka move on ka na talaga? Kasi dito mo malalaman kung sumisingit pa ba yung mga memories niyo sa utak mo. Kasi kung hindi ka pa nakakamove on panigurado magfla-flashback sayo lahat.

Pangalawa, kapag kaya mo ng maging masaya ulit. Yung saya nung hindi pa kayo. Kasi magkaiba yung sayo nung hindi pa kayo dun sa saya nung kayo na, at ang kailangan mong ibalik is yung saya nung hindi pa kayo. Madalas hindi ikaw yung makakapansin nito. Yung mga kaibigan mo yung makakapansin ng ganyan kaya tanungin mo din sila.

Pangatlo, kapag hindi na siya napasok ulit sa utak mo. Magkaiba to dun sa una kasi dito yung biglaan mo na lang siyang maiisip. Kung naka move on ka na talaga hindi na mangyayari sayo to. Dapat naka banned na siya sa utak mo.

Pangapat, dapat ready ka na makita siya na may kasama siyang iba. Oo kung makita mo man na may kasama siyang iba dapat tanggapin mo yun. Kapag nasaktan kai big sabihin hindi ka pa nakaka move on, pero kapag okay lang sayo edi congrats kasi naka move on ka na.

Panglima, kapag naramdaman mo na may space na ulit sa puso mo. Mararamdaman mo na lang to isang araw. Gagaan yung pakiramdam mo, makakangiti ka na ng maayos, ayos lang sayo na makita siya kahit sobrang tagal pa. Eto na yung time na sure na sure na sure na sure ka ng naka move on ka na. 

At ang huli, kapag ready ka ng punan ulit yung space na yun sa puso mo.

Mahirap naman talagang mag move on lalo na kapag mahal mo yung isang taong nawala sayo, pero ganun talaga.

May time talaga na kahit gaano sila kaimportante satin kailangan natin silang kalimutan, actually hindi, hindi mo naman talaga sila kakalimutan, kailangan mo lang silang ilagay sa iyong nakaraan at ipagpatuloy yung pagsusulat sa pahina ng buhay mo. 

Signs of Possible Break-Up

Usapang break ups nanaman tayo. Madalas yung ibang tao bago pa sila magkipaghiwalay sa isang tao ay nagpapakita na sila ng ilang bagay o sign na malapit na silang makipaghiwalay. Ginagawa nila yun minsan para mas madali na lang sa kanilang mag move on.

Pero paano nga ba natin malalaman kung malapit na nga bang makipaghiwalay satin ang kapartner natin?

• Una, unti unti na silang iiwas sa mga physical contacts. Yung mga dating hindi hindi maalis na paghahawakan ng kamay ay magiging apir na lang. Yung mga mahihigpit na yakap ay unti unti ng mawawala. Basta iiwas na sila sa ganun.

• Pangalawa, kung nagtetext o chat man kayo wag ka ng umasa na makakabasa ka pa ulit ng mga mahahabang messages. Makakabasa ka na lang ng ganun kapag galit siya, pero hindi din minsan. Basta kung dati ang sweet ng mga messages niyo ngayon iba na. Baka nga puro “ah” “okay” “Haha. Okay” “K.” na lang yung reply niya sayo eh. Isa na din yan sa mga signs. Siguro sa dalawa pa lang na’to alam mo na kung makikipaghiwalay na ba siya sayo hindi, pero may ilang mga signs pa.

• Pangatlo, ayaw ka na niyang makasama sa mga lakad niya. Mas gusto na niya lang minsan na kasama yung kaibigan niya o kahit sino wag lang ikaw. Unti unti niya na kasing sinasanay yung sarili niya na wala ka. Wag ka ng magtaka kung bakit.

• Pangapat, palagi ka niyang inaaway sa mga maliliit na bagay lang. Madali na siyang mairita sayo. Yung kahit na may maliit na pagkakamali ka lang na ginawa sa kanya ay magagalit na agad siya. Minsan pa nga dyan sa galit na yun siya nakakahanap ng paraan para hiwalayan ka niya eh.

Kung hiniwalayan ka man niya, hayaan mo. Umiyak ka lang pero pagkatapos nun tanungin mo yung sarili mo kung worth it ba siya sa mga luha mo. Hindi diba? Basta kung nagpakita man ng ganyang mga signs yung kapartner mo ang gawin mo na lang e mag move on ka na din agad, o kaya ay ikaw na yung tumapos. Wag mong hayaan na masaktan ka lang dahil sa kanya, okay?

Dream Person

Lahat naman tayo may dream man or dream girl. Yung nandun lahat ng hinahanap natin sa isang tao. Yung itsura niya, ugali niya, mga gusto niya. Pero mahalaga ba talaga yung ganun kapag nainlove ka na? Uunahin mo pa ba yung katangian niya? 

Paano kung wala siya ni isa na katangian ng dream person mo? Mamahalin mo pa din ba siya? Paano kung kabaliktaran siya ng gusto mo, pero yung taong yun pala yung nakatadhana sayo?

Maiksi lang tong gagawin ko kasi may nanghingi lang sakin ng advice dito and sana makatulong ako sayo.

Guys wag tayong mag base dun sa dream person natin. Kaya nga “dream person” e diba? Sa utak mo lang siya nag eexist. Madalang kang makakahanap niyan sa realidad.

Okay lang naman siguro na maghanap mga 2 dalawang katangian lang pero wag mong lahatin yung nandun sa checklist mo. Ikaw din, may time din na mapapaisip ka at marerealize mo na wala talagang tao na katulad ng dream person mo. Ang daming tao dyan na pwede kang mahalin at pwede mong mahalin, kailangan mo lang talagang gisingin yung sarili mo na minsan talaga parang sira yung universe. Ibibigay niya sayo yung taong pinaka ayaw, pero yung taong yun talaga yung nakatadhana sayo. 

RelationShit

RelationShit. Yung mga relasyon na puro ka shit-an lang talaga yung alam. Yung akala mo mahal ka talaga niya, pero ang totoo ang mahal niya lang is yung naibibigay mo sa kanya. Oo niloloko ka lang niya.

Hindi na bago sa henerasyon natin ngayon yung mga relationshit. Madami kang makikita na ganyan dito ngayon. Akala mo loyal siya sayo, sad to say pero hindi.

Bibigyan ko kayo ng mga examples ng RelationShit. Malay mo ganto pala yung relationship niyo.

The Barney Stinson- Barney Stinson Is a character from a T.V. series “How I Met Your Mother.” Sa mga unang season ng series na yun makikita na sex lang ang habol niya sa mga babae. Walang love, just lust. Well may mga ganyang relasyon talaga ngayon. Yung ang sweet sweet nila sayo pero after may mangyari sa inyo makikita mo magiging cold na lang yan bigla bigla. At kapag nagsawa na siya sayo iiwan ka na lang niya ng parang wala lang.

Guys, specially sa mga babae, kung napapansin niyo na ganto yung bf niyo magisip-isip na kayo ngayon pa lang. Katawan lang ang habol niya sayo.

The ATM- Obvious naman siguro sa title. Eto yung relasyon na ang tingin nila sayo is para kang ATM Machine na naglalabas ng pera kapag kailangan nila. Lalambingin ka niya para magbigay ka ng pera at siyempre ikaw madadala ka at bibigyan mo siya kasi mahal mo. Oo okay lang naman na magbigay ka ng pera, pero kung nagiging cold siya kapag wala kang pera o di kaya’y kapag hindi ka nakapagbigay sa kanya, ibang usapan na yan. Hindi ka niya mahal, mahal niya yung pera mo.

Minsan nagsasama din yung The Barney Stinson at yung The ATM. Basta mag isip isip ka na.

The “Peymus”- Eto yung relasyon na ginagamit ka lang niya para makilala siya o para sumikat siya. Madalas to sa mga school nangyayari. Ginamit ka lang niya para makakuha ng attention galing sa iba at kapag sumikat na siya asahan mo makikipaghiwalay din yan sayo bigla bigla.

The Semester Love- Eto naman yung relasyon na ginagamit ka lang niya para pumasa siya. Alam niya na matalino ka sa mga subject, pero alam niya din na tanga ka pagdating sa pagmamahal. Kaya ayun, ginagawa mo yung mga assignments niya, projects niya, reports niya, Thesis niya, pero after nun ano na? Try mo siyang yayain mag date after nung semester na yun and for sure hindi yun papayag kasi nakuha niya na yung gusto niya sayo. Pang isang semester lang kayo, at kapag natapos na kasabay na din nun ang relasyon niyo.

The Band-Aid/ The Vulca Seal- Eto yung relasyon na nangyayari lang kapag fresh from break up pa yung gusto mo. Magiging kayo agad pero panakip butas ka nga lang. Ginagamit ka lang niya para maka move on siya. Para kang band-aid na nandyan para takpan yung sugat niya pero kapag magaling na itatapon ka na lang niya bigla bigla kasi hindi ka na niya kailangan.

Pansin niyo ba? Lahat ng relationshit na yan ay ginagamit ka lang. Ginagamit nila yung katangahan mo para ibigay sa kanila yung kailangan nila. Kung isa dyan sa mga yan yung relasyon mo ngayon, ngayon pa lang sinasabihan na kita na tapusin na agad yun. Gumising ka na sa katotohanan na dahil lang dun sa bagay na yun kaya ka niya gusto. Hindi ka niya mahal, and siguro hindi dadating yung time na magiging mahal ka niya. Obserbahan mo yung relasyon niyo, and kapag alam mo na hindi Relationship yung meron kayo malaman RelationShit yan.