May Forever Ba?

May forever ba? Tanong na madalas pinagtatalunan ng mga taong may love life at ng mga taong bitter sa love life nila. Siyempre kung may love life ka malamang sasabihin mo na may forever at katabi mo yung “Forever” mo at siyempre kung bitter ka isa ka sa mga tao na nasigaw ng “Walang Poreber!!!”

Ikaw at ikaw lang din naman ang makakasagot ng tanong na yan eh. Nasa paniniwala mo na yan. kung iisipin mo na may Forever edi magkakaroon talaga para sayo., pero kung iisipin mo naman na wala edi wala talaga. Ganun lang naman yun eh. Ikaw lang ang makakasagot niyan. Hindi mo kailangan na mang away pa ng tao para lang sabihin yung side mo. May kanya kanya tayong paniniwala.

Kung ako naman ang tatanungin niyo ang sagot ko is OO para sakin may Forever. Kahit na sa tingin ko hindi ko pa nahahanap yung forever ko, oo may forever. Hindi lang naman kasi natatapos yung relasyon o pagmamahalan ng dalawang tao sa simpleng break up lang diba. Admit it kahit kunti may nararamdaman ka padin sa mga naging karelasyon mo. At kung iniisip naman nung iba na walang forever kasi eventually dadating yung oras na iiwan niyo na yung mundo, well nagkakamali kayo. 

Kahit ang kamatayan hindi kayang pigilan ang pagmamahalan ng dalawang tao. kung mahal niyo talaga ang isa’t isa kahit sa huling segundo niyo dito sa mundo ay mananatili ang pagmamahalan na yun. Nasa puso din kasi minsan ng isang tao yung forever. Yung kahit na nasa ilalim ka na ng hukay iisa padin ang tinitibok ng puso mo at forever na yan dyan. Kahit na sa kabilang buhay ay mananatili parin yung pagmamahalan niyo sa isa’t isa. Kaya para sakin may forever.

Kanya kanya na lang na paniniwala yan. Basta ang mahalaga mahalin natin yung tao na nagpapahalaga satin at kung wala ka man nun, chill ka lang dadating at dadatin din yang taong yan sa buhay mo. Dadating din yung Forever mo.