Hanggang Sa Dulo

Sa henerasyon ngayon, swerte mo na kung umabot kayo sa anniversary ng syota mo. At kung aabot nga kayo dun wag mo na siyang pakawalan pa. Nasayo na yung pinakamagandang kwintas, wag mo ng hayaang makuha pa ng iba.

Madami ang hirap sa long term relationship kasi yung iba mabilis mag sawa, “Pagod” na daw sila, o kaya namimiss nila yung pagiging single. Well, totoo naman yung sa pagiging single, pero mas masarap siguro kung merong isang tao na pwede mong kausapin kapag may problema ka, pwede mong yakapin kapag nalulungkot ka, pwede mong halikan kapag pakiramdam mo bibigay ka na at kailangan mo ng magbibigay sayo ng lakas.

So, paano nga ba nagtatagal ang ibang relasyon?

May pitong bagay na kailangan dyan. 

Trust- eto yung bagay na hinding hinding hinding hinding hinding hinding hinding hinding hinding pwedeng mawala sa isang relasyon. Parang pundasyon sa bahay ang trust eh. Sa pundasyon na yan kakapit ang ilan pang parte ng bahay mo.  So kapag mahina yung pundasyon niyo madaling magigiba ng bagyo o lindol yung pundasyon na yan, at kasabay niyang guguho ang iba pang bagay. Kaya dapat kung gusto niyo talagang tumagal kayo tibayan niyo ang pundasyon niyo, yung tipong kahit ilang lindol o bagyo pa yung dumating hindi nila kayo matitibag.

Faithfulness- Kung mahal mo siya wag ka ng maghanap ng iba. Kung may pagkukulang man siya sayo kausapin mo. Hindi yun rason para maghanap ka ng ibang magpupuno ng mga pagkukulang niya. At kung yung tukso man mismo yung lumapit sayo, matuto ka ng lumayo at iwasan yun. Hindi mo pwedeng sabihin na “natukso lang ako” ikaw yung may control sa utak mo at siyempre dahil utak mo yan, ikaw din lang ang makakagawa ng desisyon niyan. Kung mahal moa ng isang tao then maging faithful ka sa kanya.

Honesty- “Honesty is the Best Policy” yan yung madalas nating makita sa mga classroom nung elementary at high school tayo. Siguro naman sa tinagal tagal mo ng nakakakita ng ganyan eh naging tapat ka. Isa din kasi yan sa mga kailangan sa long term relationship. Magsabi ka lang palagi ng totoo. Wag mo ng doktorin yung mga kwento, dahil kapag nalaman niya pa sa iba yan mas malaking gulo yan. Kung may nagawa kang kasalanan ipag tapat mo. Ikwento mo yung saktong nangyari. Yung sakto ha. Walang labis, walang kulang.

Surprises- malaki din yung naibibigay ng mga surprises sa relationships. Kasi dito mo maipaparating sa kanya na kahit matagal na kayo hinding hindi ka parin nagsasawang mahalin siya ng buong puso. Makita lang ng taong mahal mo yung effort mo sa surprises na yun panigurado madadagdagan ng ilang percent yung pagmamahal niya sayo.

Meet my Parents- Oo brad. Maging proud ka at ipakilala mo siya sa magulang mo. Sa ganung paraan makikita niya kung gaano ba talaga siya kahalaga sayo. Iparamdam mo din na belong siya dun sa pamilya niyo at pwede siyang  isang araw maging miyembro ng pamilya na yun.

Pagsuko ng Bataan- hindi naman talaga siya kailangan pero may ilang nagsasabi na kapag naisuko niya na ang Bataan may tendency na  mas magtatagal kayo. Pero girls, wag niyo itong isuko basta basta at mas maganda kung isusuko niyo ito sa mismong araw ng kasal niyo. Isa yan sa pinakamagandang regalong matatanggap ng kapartner mo. And boys, kung sakali mang isinuko niya ang Bataan ng maaga, ingatan mo na siya. Binigay na niya yung buong pagkatao niya sayo, maghahanap ka pa ba ng iba? Ang kapal naman siguro ng mukha mo kapag ganun.

Fights- Yes! Tama kayo. Fights. Nagpapatibay din sa relasyon yung mga pagaaway niyo. Parang ganto yan. Sa kick boxing may training sila na hinahampas yung shin bone nila o yung buto sa may binti nila. Pwede mong kapain ngayon yan. Ginagawa nila yung paghampas na yun para magkaroon ng micro fractures sa buto na yun at kapag yung buto na yun ay naging okay na, magiging mas matibay na siya. Ganun din yung paga-away. Yung mga micro fractures na yun, yun yung mga lamat galing sa mga pagaaway niyo at kapag yun nalagpasan niyo mas kakayanin niyo ng harapin pa yung mga mas mabibigat pa na problema. Basta kailangan niyo lang pagkatiwalaan ang isa’t isa at magkasama niyong harapin ang mga hamon at problema sa relasyon niyo.

Para sa lahat ng mga nakaabot ng anniversary dyan, ako ay sumasaludo sa inyo. At tandaan niyo na KAYA NIYO YAN BASTA WALANG IWANAN. HAWAKAN NIYO ANG KAMAY NG ISA'T ISA HANGGANG SA DULO.